Paulu ARRIGHI (1895 - 1975)

 

 

Casata: ARRIGHI

Nome: Paulu

Nascita: U 20 ottobre 1895 in Rennu

Morte: U 19 maghju 1975 in Marseglia

 

Prufessore onurariu à a Facultà di Lettere d'Ecchisi

 

Opere publicate:

 

Hà fundatu cù Antone Bonifacio "L'Annu Corsu", antulugia annuale (1923 - 1939)

 

Strattu:

 

L'ANNU CORSU

 

Ciò ch'ellu vole esse

 

...Un missiunariu senza ambizione, un suldatu senza tema è senza tacca di u regiunalisimu corsu;

A chjama d'una tarra chì ùn vole more è d'una lingua chì deve vive;

U sonu di u cornu guerrieru in la machja diserta, è u cantu pacificu di a merula corsa in lu valdu sulitariu;

A ciccona chì canta à mezu celu a gloria di l'antichi, e spiranze d'oghje, a prumessa di l'alba chjara di dumane;

U volu sprizzante è libaru di l'altagna sopra u bruttezzu di a puliticaglia, versu u sole puru di u Spiritu è di l'Arte;

Un innu rinnuvatu di voce corse à lu paese nativu;

Un cirone di cera nustrale accesu da un capu d'annu à l'altru annantu à l'altare di a Patria Corsa.

 

Annu Corsu, 1923