Ghjiseppu Maria BONAVITA (1908 - 1971)

 

 

Casata: BONAVITA

Nome: Ghjiseppu Maria

Nascita: U 31 agostu 1908 in Urtaca

Morte: U 7 maghju 1971 in Neuilly

 

Aggregatu d'Università, Cunsiglieru di l'Affari Stranieri

 

Opere publicate:

 

U pane Azimu, 1967

 

Strattu:

 

U CIUFFU DI L'ESCA

 

Di l'ottu figlioli ch'ellu ebbe u sgiò Stefanu di Palasca, Ghjaseppu era u più impistatu di tutti. U so stitutore avia dettu à u babbu: "Vale dece per pudè è zeru per vulè". È dicia u veru! Ogni cosa li venia facile, ma ùn fece nunda, chì ùn andava à a scola chè quandu ellu piuvia. È tandu piuvia pocu. Un bellu ghjornu, un ghjornu pienu di sole ch'ellu curava a buciartula incù u lacciu, u nasu ind'è u fenu, li ghjunse addossu u fratellu maiò à l'impruvista. È u babbu u cacciò di casa, perchì a pera fracica ùn guastasse l'altre.

È cusì diventò una spezia di pelegrinu barbutu è stracciatu chì andava da un paese à l'altru, incù a scatula appicollu, à fà basgià u santu per una baiocca.

U chjamavanu Ghjaseppu u Ciuffu di l'Esca. Chì sà perchè?...