Antone CAMPANA (1894 - ?)

 

 

Casata: CAMPANA

Nome: Antone

Nascita: In 1894 in Campana

Morte: ?

 

Inspettore centrale onurariu di e Cuntribuzioni Dirette

 

Opere publicate:

 

Rime è canzone, 1951

 

Strattu:

 

VERANU

 

Affaccatu hè lu veranu,

A stagione preferita.

Cum'ellu hè altu lu granu

La campagna hè fiurita:

Scappa invernu, o gran villanu,

Chì n'hà da cambià la vita.

 

Ma chì bellu serinatu

Sanu fà tutti l'acelli!

Quaghjò in fondu di lu pratu

Digià imbelanu l'agnelli;

A ghjumenta hà pullitratu

Ghjocanu vacche è vitelli.