Matteu CIRNENSI (1864 - ?)

 

 

Casata: MATTEI - TORRE

Nome: Ghjuvan' Francescu

Nascita: U 3 maghju 1864 in A Vulpaiola

Morte: ?

 

Nutariu

 

Opere publicate:

 

Pasquale de Paoli, padre di a Patria, "A Muvra" 1924

U Corbu, Una falata in lu Maelstrom, d' Edgar Poe, traduzzione, "A Muvra" 1925

I Lamenti o e Notti di Young, traduzzione, "A Muvra" 1928

Vocabulariu di a Custera (Corsu-Talianu-Francese), "A Muvra" 1929

 

Strattu:

 

STALVATOGHJU

 

Un paisanu avia purtatu u so sumere ind'un chjosu di u sgiò Orsuvechju, di notte tempu. Andendu a matina à circallu, l'azardu fece chì u sgiò Orsuvechju, sbonoratu, u truvò nantu u fattu. È cum'ellu u rimpruverava, disse u paisanu:

- "O sgiò Orsuvè, ùn site mancu cuntentu, voi chì u pudete purtà di ghjornu è nisunu v'impurtuna. Ed eo sò ubligatu di purtallu in cor di mezanotte, è marchjà sempre cù e setule ind'u spinu".

U sgiò Orsuvechju mettendusi à ride disse:

- "Pè sta volta ti perdongu, ma ùn si turna più".

 

Almanaccu di A Muvra, 1924