Ignaziu COLOMBANI (1908 - 1988)

 

 

Casata: COLOMBANI

Nome: Ignaziu, dettu Petru u Muntagnolu

Nascita: U 18 agostu 1908 in Montréal

Morte: In 1988 in Vivariu

 

Guvernatore di a Francia d'oltremare, scrivanu è pueta

 

Opere publicate:

Rime di Rustinu, "U Muntese", 1960

U Francorsu, "U Muntese", 1968

 

Strattu:

 

RICORDI

(Stratti)

 

À chì ùn hà vistu à prete Pulverinu à cavallu ùn hà vistu nunda. Avia un cavallu grisgiu, guasi biancu, chjamatu Bijou. Saltava in sella cum'è un giuvanottu è pigliava subitu u galoppu. L'anche, e tenia sticchite chì battianu l'aria cum'è l'ale d'un acellu è certi l'avianu ancu chjamatu Don Chisciotte. Ma quessu u cugnome, u s'avia riguaratu d'estate quandu, per francassi da u sole, tenia i retini cù una manu è u parasole cù l'altra: c'era, creditemi puru, da pagà u soldu.

À Bijou u pruvava ancu eu, una volta l'annu. U sette settembre era prontu à bon'ora. À finestre aperte, aspettava u fiscu o a chjama:

- O Gnà!

- Falgu subitu, o sgiò piuvanu.

È tumbulava e scale chì ùn mi parava mancu u tonu.

- Tirati in groppa!...