Bartulumeu DOLOVICI (1915 - ?)

 

 

Casata: DOLOVICI

Nome: Bartulumeu

Nascita: U 27 ottobre 1915 in Calvi

Morte: ?

 

Funziunariu

 

Opere publicate:

Veghja cù i morti, Bastia 1973

 

Strattu:

 

L'AFFARE SI PASSA IN CURREZZIUNALE, IN BASTIA...

 

U presidente interroga un accusatu. In issu frattempu, in fondu di a sala, si sente un omu chì parla à alta voce, è ùn ci hè mezu di fallu stà zittu.

A ghjente ride è i testimoni si scordanu di u rispettu devutu à a ghjustizia, chì hè quì in casa soia. À a fine u presidente s'infierisce, face vene st'oratore senza paga davanti à ellu:

"Chì vulete! Alò, parlate avà."

L'omu parla, parla. Ma u magistratu ùn capisce ciò ch'ellu vole. Dumanda à u so assessore chì li stà vicinu:

- "U capite voi? Chì vole?

- Dice ch'ellu vole a ghjustizia"!

U presidente si pichja trè volte in fronte, cù l'indice sticchitu:

"Hè un poveru scemu! Cacciatelu fora!

 

Veghja cù i morti, 1973

 

 

Paese corsu n 40 di nuvembre 1967