Antò Francescu FILIPPINI (1908 - 1985)

 

 

Casata: FILIPPINI

Nome: Antò Francescu

Nascita: U 14 lugliu 1908 in Santu Niculaiu di Moriani

Morte: U 22 ottobre 1985 in Oriolo Romano, vicinu à Roma

 

Duttore in Scienze Pulitiche, pueta

 

Opere publicate:

Puesie, Raffaello Giusti Ed., 1929

Ballate corse, Roma Modernissima, 1939

E mio lune, 1956

U Prunalbellu, 1958

Lochi è stagioni, 1968

Acqua d'aprile, 1969

A Bisaccia, 1980

Belle Calende, 1982

Curacuti, 1991

Flumen Dei, 1993

Vucabulariu Corsu-Italianu-Francese, Anima Corsa 1999

 

Strattu:

 

A LUNA INDU A POZZA

 

Cantanu e foglie di a furesta immensa

À i ziferi di a sera piuviscosa;

Cantanu una canzona curiosa,

Azeza è dolce è più o menu intensa.

 

Trà pocu l'ombra sì ferà più densa;

Ma sì lu ventu batte la spazzosa,

Noi videremu a luna à l'arritrosa

Chì à u ciottu di a padula, incerta, pensa.

 

O Luna, o Luna, chì rispunderai,

Quandu a Notte si strigne e so faldette...

 

Acqua d'aprile, 1969, p.38