Ghjacumu FRANCESCHI

 

Casata: FRANCESCHI

Nome: Ghjacumu

 

Opere publicate:

 

In a rivista literaria RIGIRU
Numeru 12

 

Strattu:

 

PASSATA

 

 

Dui noci secchi è pulvarosi.
Colti in a forcia!
Nanzu ad annu!
Tandu!

 

Tandu, era andatu à vattà u cignale in a Ricanesa. Mi avia dittu Seppu Rosa ch'avia vistigatu un grossu porcu, ghjuntu muru muru à rumà in i meli suttani di u chjosu.
Allora, un ghjornu di la fini di sittembre versu cinqui ori dopu meziornu, aghju pigliatu è aghju missu à capu insù.
U paesi era viotu...
Eranu partuti alegri i Corsi impinzutiti.
Eranu partuti dinò quidd'altri. I veri. Cù amaru curdogliu.
Firmavanu i vechji. È i ghjacari.
È u soli...

 

1.10.1977, in Quasquara
RIGIRU nu 12, dicembre 1978