Ghjuvanteramu ROCCHI

 

Casata: ROCCHI
Nome: Ghjuvanteramu

 

Opere publicate
In a rivista literaria RIGIRU
Numeru 1-4-6-7-8

Strattu
L'ANELLI IN ORU

Chjudite l'ochji.
A videte una muntagna?
Nantu ci hè un paisolu. U videte?
À mezu paisolu ci hè una casuccia. A videte?
In a casuccia ci stà una famiglia.

Avà aprite l'ochji è state à sente.

Ci hè dui zitelli, Luigi è Fiora. Ghjiseppu u babbu hè campagnolu è Maria a mamma guverna a casa. Strazieghjanu tramindui pè allevà i so figlioli; strazieghjanu ma sò fieri chì u pane u si stantanu è limosina ùn ne cherenu.
Un annu, eramu cusì di i tempi di Natale, in paese i zitelli ùn avianu altru discorsu, centu volte u ghjornu mintuvavanu camiò, aviò, battelli, tamburi è treni...
Muti cum'è petre Luigi è Fiora stavavu à sente. U core po li battia in pettu ma da a tristezza...

 

RIGIRU nu 10, dicembre 1977