Ghjiseppu Lisandru MATTEI (1881 - 1956)
 
 
Casata: MATTEI
Nome: Ghjiseppu Lisandru
Nascita: In 1881 in Ville di Petrabugnu
Morte: In 1956
 
Scrivanu è pueta
 
Opere publicate:
Autore di u puema "La Méditerranée"
Adattazione in lingua corsa di un contu nurvegese, Les Oiseaux Blancs, di Johan Bojer, Risavetta in Paradisu.
Hà cullaburatu à L'Annu Corsu.
 
Strattu:
 
RISAVETTA IN PARADISU
 
Eccuti chì un ghjornu Risavetta, finitu d'infurnà u pane, è sudata cum'è un animale, corse à lu fiume à lavà prestu prestu e fasce di u so Saveriolu. È a sera, infrebbata, si chjinò cù a puntura. Andria, à la megliu, appruntò a cena, fece coce a pappina per Saveriu eppò, i zitelli addurmintati, si misse à pusà accantu à u lettu: "Allora, ti senti megliu?", fecia ellu di quandu in quandu. - "Iè, grazia à Diu!", rispundia Risavetta. Ma la so voce à pocu à pocu s'addebiliva, è quandu Andria a chjamò un'ora dopu, ella ùn ebbe mancu più a forza di vultà l'ochji. Accurgendusi ch'ella andava propriu male, Andria scappò à chjamà u prete.
Tandu Risavetta aprì l'ochji è li parse chì, vicinu à u lettu, annantu à a sedia induv'ellu pusava prima u maritu, avale ci pusassi un omu giovanu, cusì bellu, tuttu vistutu di biancu, vinutu à pigliallasi. È ella pienghjia à core rottu. "Innò! Lasciatemi cun Andria!"...