· Nivia per Natale ?
In tutte e memorie, ci era a neve per Natale, ghjera un
Natale di paese, un Natale nivaghjolu.
U tempu hà cambiatu dapoi a prima metà di u
seculu o ghjè u ricordu di u Natale nivicosu chì
a memoria cullettiva s'hè tenutu ? In u sennu populare,
Natale hè a fine d'un periodu clemente, u freddu ùn
hè ancu ghjuntu, è dinù per l'anni di
poche racolte ci fermava à manghjà :
" Prima di Natale, nè freddu, nè fame
"
" Da Natale indà, freddu è fame in quantità"
Tanti pruverbi meteorologichi ch'universalizeghjanu tant'anni
d'usservazione, certi sò cunnusciuti, d'altri menu:
" Natale à u fucone, Pasqua à u balcone
"
" Un ci hè Natale senza grecale "
" Attenti à lu tempu : in Candelara l'invernu
si prepara : à ciriola bianca, per quaranta simu dentru,
à ciriola nera, di l'invernu simu fora "
· L'attività di l'invernu
Chì l'invernu sia dolce o severu, u tempu di Natale
hè un tempu di cambiamentu d'attività.
Si finiscenu suminare è arature (" Fin'à
Santa Lucia sumena per ogni via, da Santa Lucia indà,
guarda duve suminà "), a racolta di e castagne,
di e mele, a scutera di e noci, di l'amandule, di e nucellule,
a siccata di i frutti… i porci invadiscenu e castagnicce
è tutte e produzzioni sò ingratate.
|