|
|
||
| ||
A Nanna di u Bambinu
di Monsignore
Paulu Matteu
di a Foata
Paulu Matteu di a Foata hè natu in Azilonu à 4 aostu di u 1817, prufessore di rettorica à u Picculu Seminariu d'Aiacciu in u 1843, curatu di Bucugnanu in u 1846, curatu di Corti in u 1855, vicariu generale di u Viscuvatu d'Aiacciu in u 1876, vescu d'Aiacciu in u 1877, ghjè mortu u 3 ghjennaghju di u 1899.
Paulu Matteu di a Foata, fù un scrittore corsu attalentatu di u XIXesimu seculu. L'opera litteraria di Monsignore Paulu Matteu di a Foata hè cunsiderevule, frà a mansa di scritti ci hè A Nanna di u Bambinu.
A Nanna di u Bambinu 
(XIXu seculu)
Si spanna l'aria, lu tempu s'assirena
Luci la stedda, la luna è già ripiena,
Ninni nanna,
u me' figliolu,
Addurmentati perpena:
Ninni nanna, bìu
bìa,
Lu me' re, lu me' missia.
Tu cun trè
dita susteni terra e celi,
E s'tu li chiami, sò pronti
e sò fideli.
O spiranza di la mamma,
Dolci dolci come meli!
Sapuritu come manna
Dormi dormi e fà la nanna.
Tu teni in pugnu la terra cu li monti,
Tu da' lu corsu ai fiumi ed a li fonti;
E la luci e la saetta
Ai to' cenni stani pronti.
Tu li mandi ed eddi vani,
E ti voltani
a li mani.
U soli e a luna ti servini di mantu,
E lu to' regnu lu mondu ch'è tamantu!
Sopra l'ali di lu ventu
Tu lu jiri tuttu quantu;
E lu celi starminatu
In u soffiu l'ha' jiratu.
Ai toni e ai lampi li segni lu camminu;
Ha' in manu i chiavi di a morti e di u distinu;
T'ubbidisci celi e terra;
Or cos' ha' lu me' carinu?
Nimu veggia, nimu
è fora:
Addurmentati ch'è ora!
Tu, come un nidu, li populu e li regni
Li teni in manu, li limiti e li segni:
Ai to' cenni tuttu prega,
Or parch'è po' chì tu piegni?
Ninna, nanna, bìu,
bôlu!
Addurmentati figlioli!
Tu freni u mari, la grandina e li venti;
Or ch'è stu
lagnu? Chì sò quisti lamenti?
Dill'a me, dill'a to' mamma.
'Dù ti
frighj ? 'dù
ti senti ?
Senti in corpu? ha' qualchi pena?
Or addolcati parpena!
U lumu spigni,
e l'alba è di ritornu.
Ha' tanti squadri, tant' agnuli d'intornu,
E un ci n'è chì t'addurmenti!
Faci notti e faci
jornu,
E tu piegni di cuntinu,
Or cos' ha' lu me' bambinu?
Tu se' u diamenti, tu se' la
margarita;
Da li me' affetti tu se' la calamita;
Tu la vita di u me' cori,
Tu lu cor di la me' vita;
Ninni, nanna, bìu
bôlu…
Or appattati figliolu!
Surridi un pocu, richiara lu to' visu
E lu to' sguardu ch'allegra u paradisu;
Unn' ha maghiu tanti fiora
Quant'ha grazii u to' surrisu:
Or surridi a la to' mamma,
Eppo' dormi e fà la nanna !
Extrait du groupe Chjami Aghjalesi
Per le strade è li camini
(tradiziunale)
Per le strade è li camini
Calchi volta pà la machja
Travirsendu li giardini
A ghjente si hè messa in marchja
Una lumera in le mane
Si ne vanu pian' pianinu
À lu son' di le campane
Chì li chjama lu bambinu
À lu son' di le campane
Chì li chjama lu bambinu
In la ghjesgia alluminata
Di candele è di cironi
Ci sarà messa parata
Di vistuti di piloni
In casa s'apre la botte
I fiadoni sò in tuvaglia
Vighjaremu tutt'a notte
Chì dumane ùn si travaglia
Vighjaremu tutt'a notte
Chì dumane ùn si travaglia
Extrait du groupe Chjami Aghjalesi
Trà lu boie è lu sumere
(Nanna capicursina,
racolta da Marien MARTINI)
Trà lu boie è lu sumere,
Ma guardate lu zitellu,
Stesu nant'à la filetta,
Si ne dorme cusì bellu,
Pare un gigliu dilicatu,
Pare fattu à lu pinellu.
Ninni nanna, o divin' amore,
Cusì bellu è cararellu
Ti faremu una cullana di stelle,
Dormi nella mandria, u to viculellu,
Senza panni, nella
frisculina,
U to asinellu ti riscalderà,
È la Vergine Maria,
Cun San Ghjaseppu ti viculerà...
Purteremu lu ghjesucciu
In li monti di Cuscione,
Cum'è noi, parlerà
corsu,
È saremu u so pilone,
Beierà latte di capra,
Manghjerà brocciu è fiadone.
Extrait du groupe Diana di l'Alba