U Balcone, novu rumanzu di Ghjacumu Thiers
2016-06-14 18:37:47

L'opera di Ghjacumu Thiers, à l'edizione Albiana, si tesse trà parechje epuche, quella di a fine di a Prima Guerra mundiale à u principiu di l'anni 1920 è un altru periodu nanzu l'evenimenti d'Aleria, di lugliu 1975. L'elementu centrale di a narrazione hè dunque un balcone di granitu da induve una donna, Agatuccia, face da narratrice principale chì aspetta indarnu u so maritu, esiliatu in e culunie, ma chì ùn vulterà mai. Via, un'aspittera di quarant'anni vista da un balcone chì hà da sfundassi cum'è pè simbulizà a vittoria di u tempu. L'autore hà dettu chì u so rumanzu face viaghjà altrò in u mondu, inde i paisaghji culuniali, ma u cuntestu storicu ùn pare influenzà a storia. Stu fattu ùn impedisce micca u rumanzeru di dà un ochju fughjiticciu à u passatu, da u so balcone.