Oghji.... Novu dischettu di Canta u Populu Corsu
2016-07-19 17:55:38

Eccu dunque u novu dischettu di Canta u Populu Corsu. Prima di girà a pagina, "Oghji..." rammenta e tredeci più belle canzone di u gruppu. Ognuna rispechja una storia, un periodu primurosu di u populu Corsu. Tutte sò state assestate à l'usu d'oghje, arrigistrate à u studio Angelina da Jean-Bernard Rongiconi è Cédric Pontieux. In st'opera, avemu una mudernità ma soprattuttu ottu voce di prima trinca. Dapoi u 15 di lugliu di u 2016, hè in vendita in Corsica è à u mese d'uttobre nant'à u cuntinente.