Esciuta di u primu vulume di Usi sacri è prufani
2016-12-06 17:33:53

Hè esciutu u primu vulume di a cullezzione "Pastori di Corsica", una vera antolugia di u pasturalismu corsu. L'autori sò Petru Ghjuvanni Luccioni è Philippe Walter, à l'edizione Alain Piazzola è Com Corsica Diaspora. Un travagliu chì si sparte nant'à una vintina d'anni. Ghjè a memoria d’omi è di donne, di stonde di vita di e generazione scorse, d'una civilizazione originale. Ma dinù un segnu forte di gratitudine versu un'econumia rurale, roza, semplice fundata nant'à l’agro-pasturalismu. 

Tomu 1 : « Usi sacri è profani » (riti è credenze), Tomu 2, in duie parte : « Pastori è Reghjoni » chì addunisce « Eri è Oghje » (a storia di u pasturalismu) è « Accordi è affitti » (cuntratti di pasciture è di bande). Tomu 3, in duie parte : « Capraghji è Pecuraghji » chì cuncoglie « Banda è Roba » è « Casgiu è Furmagliu ». Tomu 4 : « Esse è Campà » (modu di campà è sapè fà). Tomu 5 è 6 : « Pieve è Pastori ».