I Soldi Corsi
2016-12-27 16:31:32

Dopu una chjama à prugetti di l’ADEC, l'associu Corsica Prumuzione hà da creà i Soldi Corsi, a futura muneta lucale isulana. Altru chè un simbulu, serà un arnese di sviluppu ecunomicu. Paul Pierinelli, presidente di Corsica Prumuzione, hà dettu chì ghjè a terza volta di a so storia chì l'isula hà da cugnà muneta. A prima volta, era in tempu di Pasquale Paoli, è a seconda durante a prima guerra mundiale. À principiu, sta nova muneta serà pruvata in Bastia è a so regione pè valutà u so adopru è a so diffusione. Dopu, serà in a Corsica sana. Jean-Christophe Angelini hà precisatu chì "Un si tratta micca di cuncurrenzà l'euro, ma di creà una dinamica ecunomica interna nant'à u mudellu sardu è u so sardex." I biglietti ùn puderanu esse falsificati. A longu andà, omu hà da creà una carta bancaria è un pagamentu cù u telefuninu. Artisti corsi anu prupostu figure pè illustrà sti soldi.

Ritrattu : Corse Net infos