2016-12-31 14:52:55

Paulu Piazzoli, u pastore puetu di E Valle d’Alisgiani, hà publicatu u libru “Canzone è Puesie”. Un umagiu à a natura, à i lochi di vita, à l’omi, frà i quali Fratucciu Ulivu Tagliazucchi, à l’amicu fidele Ghjuvan Petru Ristori. Una magnifica opera in rime, da u pastore puetu Paulu Piazzoli, editata da Cismonte è Pumonti in a cullana Canti d'Improsa, cun Matina Latina è u CMTC. U prefaziu di Pasquale Ottavi ramenta a vita di "u pastore di l'Oneiu, trà piaghja è muntagna, da E Valle d'Alisgiani à San Ghjulianu". Rinatu Coti hà scrittu u secondu prefaziu di a cuprendula pè insiste nant'à a ricchezza identitaria di a puesia di Paulu Piazzoli: "pari dipinta da natura stessa... Era ora chì un libru accuglissi u so megliu pueticu".

"Canzone è puesie", dispunibule in libreria, in magazinu è ind'è Paulu Piazzoli, Terrivola, Valle d'Alisgiani. Rinsignamenti : 06 77 96 49 73