Danse, mémoire, danse, novu dischettu di A Filetta
2017-06-02 15:23:28

St'opera si fonda nant'à i sguardi cruciati di dui omi, dui isulani : Aimé Césaire, scrittore, puetu, autore dramaticu d’origine martinichese è Jean Nicoli, insignante, resistante, tombu in u 1943, in Bastia da i fascisti. In cumunu, anu u so impegnu puliticu, u so umanismu cù u so ghjudicamentu nant'à u culunialismu è l'amore di a so terra. A Filetta hà creatu u dischettu cù dui famosi musicanti taliani, u trumbettistu Paolo Fresu, unu di i più boni musicanti di a decennia (situ Jazzman) è u banduneistu Daniele di Bonaventura.