Ortugrafia classica
2017-07-20 10:02:04

 

Anzianu insignante è cunsigliere pedagogicu per a lingua corsa, Gilbert Romani cuntinueghja u so impegnu à favore di u corsu è di u so sviluppu. Cù u so ultimu libru "Ortugrafia classica", edizione À Fior' di carta, prupone un strumentu d'amparera pedagogicu, cù esercizii di scrittura. Iss'edizione nova hè stata cumpletamente rivista, curretta è arricchita di una meza duzina di nuvelle.

S'addirizza piuttostu à i maiò, o persone chì insegnanu di sicuru. Ma dinù à tutti quelli - sò sempre parechji - chì anu a primura di cunnosce o migliurà e so cunniscenze in scrittura, è ancu in lettura chì issu librettu offre parechji scritti abbastanza corti per chì ognunu possa verificà u so livellu.