L'ultimu giru d'Antone Ciosi principia in Parigi
2017-11-07 11:33:52

Un ci hè più bisognu di presentà à Antone Ciosi, i so 55 anni di carriera, e so famose canzone durante stu mezu seculu di gioie, di dilusione, di pene, di strazi. Hè corsu u tempu dapoi u festivale di a canzona corsa ch'ellu hà vintu in u 1963 à l'Olympia. Ma, cum'è in Tragulinu di i fratelli Vincenti, Antone Ciosi "porta li so ottanta'sei anni cume fiori di castagni ". Hà da ricullà nant'à a scena parigina di e Folies Bergère, marti u 28 di nuvembre, pè principià un ultimu giru chì passerà pè a Corsica è altri lochi. Cù sempre a qualità è a sputichezza di u canterinu durante a so carriera sana. 

Riservazione : 0892 681 650, www.antoine-ciosi.com, www.foliesbergere.com