De l'épopée vénitienne aux révolutions corses
2018-02-23 09:42:50

Daretu à stu nome longu, ci hè u travagliu tamantu di u Thierry Giappiconi, storicu è direttore di bibliuteca. Fundendusi nant'à numerose infurmazione nove, stu libru cuntribuisce à a cunniscenza di e fase fundatrice di a rivuluzione di Corsica.

Rammenta chì, toccu u 1731, u populu corsu hà rottu i patti cù Genuva è chì, in u 1735, hè diventatu un Statu liberu è indipendente cù e so lege fundamentale, una muneta è un'armata. Hè publicatu ind'a cullezzione "Bibliuteca di storia di a Corsica".