Terra Nostra
2018-03-06 11:22:44

U quartu dischettu di Patrizia Gattaceca prupone 14 tituli chì cantanu u mondu, da Napuli, Istanbul, u Maroccu à Buenos Aires attippendu sin'à l'Himalaya. Dunque, Terra nostra ùn hè micca solu u sintimu d'appartenenza à un'isula. A canterina parte da a so Corsica pè fà sparte i lochi chì l'anu incantata.

Un'apertura musicale rinfurzata da famosi musicanti è arrigistrata à u studio L'Angelina in Valle di Rustinu. Patrizia Gattaceca pensa chì "stu dischettu hè un'evuluzione, ma dinù u rispechju di a so persunalità. In un percorsu di creazione, simu sempre ind'a riflessione."