Novu atlante linguisticu è etnugraficu di a Corsica t.4 - U lessicu di l'agricultura
2018-03-10 10:10:51

U lessicu di l'agricultura hè u quartu volume di u Novu Atlante Linguisticu è Etnugraficu di a Corsica (NALC), edizione Alain Piazzola, rializatu da Marie-José Dalbera-Stefanaggi, Stella Retali-Medori, Aurelia Ghjacumina Tognotti. Ghjè una selezzione di 275 carte lessicale riprisentendu e diverse attività agricule tradiziunale di l'isula: Prati è feni, lavori è suminate, cereale è sighere, ortu, arburicultura fruttaghja, castagnicultura, oglicultura, viticultura.

I dati publicati in stu volume è nant'à u situ di a Banca di Dati di Lingua Corsa (http://bdlc.univ-corse.fr/bdlc/corse.php), sò u risultatu d'inchieste di terrenu fatte in l'isula, dapoi una quarantina d'anni, vicinu à locutori chì u corsu hè a prima lingua. Sò guardiani d'una lingua è di sapè fà tennichi illustrati quì da testimunianze è ritratti presentati nant'à e carte. Avemu dinù altre infurmazione pè scopre a storia è a custruzzione di u lessicu corsu.