A scola di i casi addisperati
2018-03-16 14:43:00

Prufessore di lettere classiche, Michèle Corrotti hè dinù scrittrice di rumanzi storichi è hà sceltu di scrive un rumanzu pè un publicu giovanu ma ancu adultu: A scola di i casi addisperati, edizione Eoliennes. Hè pè falli capì megliu a scola è amparà u corsu grazia à u talentu pueticu è originale di a traduttrice Ghjermana de Zerbi. U titulu hè umuristicu, in fatti ùn ci hè micca casi addisperati.

L'esempiu di u ghjattulellu Pom chì scumbatte contr'à periculi, fastidii, rimanda à i zitelli chì anu prublemi è chì sò mandati in u mondu di l'adulti o in stituzione severe, cum'è ind'è i rumanzi di Dickens. Sò situazione interessante perchè mostranu chì u zitellu hà da supranà e so difficultà pè una fine felice. A storia : Pom hè sguaiatu, scapatu è sgalabbatu… Per ammaistrà u so ghjattulellu, a mamma l’hà pruvate tutte, ùn li ferma più chè una via : a tremenda Scola di i casi addisperati !