Messa è santi nustrali
2018-03-27 15:33:15

Stu novu libru addunisce i testi ghjuvendu à i canti di a messa in Corsica. Pè a prima volta, i testi latini di u Missale Rumanu sò tradutti in lingua corsa. U libru interesserà in particulare quelli chì volenu cunnosce megliu u cantu in paghjella o chì volenu interpretà a messa nustrale. L'opera hè arricchita cù studii di a vita di i santi è sante, ma dinù e lucalità induv'elli sò celebrati. 

Lisandru de Zerbi hè insignante di lingua è cultura corsa à l'IUT di Corsica, membru di a Cunfraterna Santa Croce di Bastia, di l'Associu Praticalingua (struttura d’amparera è/o di pratica di u corsu in immersione in Bastia) è di u Coru di i cantori di Sermanu.