Ch'ellu canti u Populu Corsu
2018-04-05 10:24:12

Felì ritrova à Canta u Populu Corsu in u dischettu "Ch'ellu canti u Populu Corsu". Anu intepretatu sta canzona, ghjovi u 5 d'aprile nant'à a Piazza San Niculaiu di Bastia, durante u cuncertu nanzu a partenza di u Giru di Corsica. Ci cantanu a so amicizia, l’amore pè a so terra è l'opera hè dinù un omagiu à Ghjuvan'Teramu Rocchi. Sta cullaburazione cuntinuerà st'estate è stu vaghjime pè un giru Inseme in Scena, in a Corsica sana.