Fiori di machja
2018-04-20 15:20:32

Puetu sminticatu ma primurosu di l'epuca trà e duie ultime guerre, Petru Santu Leca fù in core di u rimusciu litterariu di tandu. Ùn hà mai publicatu racolta è ghjè per quessa sicuramente ch'ellu hè statu sminticatu. In stu libru di Christophe Luzi, à l'edizione Albiana-Università di Corsica, avemu e so cumpusizione in corsu è in francese trove ind'un manuscrittu è puemi publicati ind'e riviste litterarie corse è cuntinentale.