Le dossier Félix Decori, novu rumanzu di Ghjacumu Fusina
2018-04-20 15:46:57

Suddisfà a brama, amparà è scopre, eccu ciò ch'ellu ci hè à principiu di a vita. A vita à dui ch'elli custruiscenu Jean et Marie trova appuntu da smaravigliassi in i libri, soprattuttu inde unu rigalatu da un amicu librariu. U passa è vene trà a so storia d’amore è quella di George Sand è Alfred de Musset, palisatu da a so currispundenza, hè purtatu da a so « inchiesta » nant'à u misteriosu Félix Decori. In a so ricerca avendu intrecci inaspettati, l’amore hè u veru eroe di u rumanzu: indiziu, mutivu è « suspettu » à tempu.