Morte di Louis-Gabriel Doazan
2018-05-29 14:31:01

Louis-Gabriel Doazan si n’hè andatu. Quellu chì fù prete, prufessore di scienze naturale, scut, espertu di u pasturalisimu corsu, hà una cullezzione à u so nome à u museu di a Corsica. A so lascita culturale è antropologica hè magnifica. Stu piunieru di l'etnolugia di a Corsica, hà redattatu 64 quaterni à parte da e so inchieste, trà u 1952 è u 1978, induv'ellu parla di e tenniche artigianale, di e pratiche religiose è di e credenze pupulare. I so quaterni sò arricchiti di ritratti, disegni, raconti di scontri cù l'ultimi testimoni, attori sempre vivi chì facenu cunnosce u so sapè.  custituitu dinù una cullezzione primurosa di più o menu 3000 ogetti anziani, sposti à u museu di a Corsica, in Corti. Fora di e so ricerche nant'à a Corsica, u patre Doazan hà uffertu e so cunniscenze à tutte e dumande particulare nant'à lochi detti, travaglii genealogichi, rughjoni... Infine, hè statu 65 anni in Corsica pè u so sacerdoziu, nant'à un tutale di 67. 

Ritrattu : Corse-Matin