Festivale Aleria antica da u 7 di ghjugnu à u 16 di settembre di u 2018
2018-06-15 11:39:39

Da u 7 di ghjugnu à u 16 di settembre di u 2018, a Direzzione di u patrimoniu di a Cullettività di Corsica prupone una nova edizione di u Festivale "Aleria Antica" à u situ archeologicu è à u forte Matra, in cullaburazione cù l’associu INEACEM, a Cinemateca regiunale è a cità d’Aleria. A tematica 2018 hè quella di a mitolugia, cù pagliacci burleschi, spusizione, cunferenze, prughjezzione filmiche, attellu di teatru. U spettaculu "Les Mythos", interpretatu da Philippe Brunet è Didier Pons presenterà à i giovani un avvicinamentu burlescu di a mitolugia greca. Una demustrazione di mudellatura da u scultore Christophe Charbonnel li permetterà di cunnosce l’arte di a scultura. In più, visite cummentate di e spusizione è di u situ archeologicu, a ghjunta d'Acta cù i spettaculi-cumbatti, e scole di gladiatori per i zitelli è un attellu di teatru nant'à a mitolugia.

Ùn ci scurdemu di a prughjezzione di filmi famosi "Le Choc des Titans" di Louis Leterrier (2010) o "Hercule" di Brett Ratner (2014), chì si feranu cù cummenti di Claude Aziza. A spusizione di Jean Castela, storicu-geograffu, "Alalia, un oppidum corse au coeur des échanges de la Méditerranée antique" prupone di rammentà e sfarente occupazione di u situ archeologicu d'Aleria è u so circondu mediterraniu. Avemu dinù pannelli spiecativi, mudelli originali, ricustituzione di mubiglia archeologica in ceramica, in metallu (bronzu, ferru), è ancu a ripruduzzione d'un guerrieru di l'epuca etrusca.