Storia corsa, una nova rivista
2018-07-10 18:39:18

 

"Storia Corsa" hè a nova rivista trimisinca nant'à a storia è u patrimoniu di l'isula. A sola rivista di storia isulana, nata da una discursata trà l'editore Jean-Luc Messager-Alfonsi è u giurnalistu Pierre Lanfranchi, vole cuntà a so Storia à i Corsi di l'isula, d'altrò o à quelli chì tenenu caru è chì s'interessanu à a a Corsica è à i Corsi, in un linguaghju capiscitoghju da tutti.

Ind'a squadra di redazzione, avemu storichi cunnisciuti cum'è Michel Vergé-Franceschi o Antoine Marie-Graziani, direttori o cunservatori di museu. A rivuluzione contr'à Genuva, u teatru di Bastia, a diaspora, a storia di a bandera, i Ghjuvannali, a mubiglia corsa in tempu di i Bonaparte... sò frà i sugetti trattati.