Premiu di u Libru corsu 2018
2018-07-12 11:25:35

A ghjuria di u Libru corsu, addunita in San Petru di Venacu è presidata da Jocelyne Casta, hà sceltu i scrittori chì riceveranu u Premiu 2018 in lingue corsa è francese. In tuttu, cinque premii cù duie menzione speciale. Robert Colonna d’Istria hè statu sceltu pè « Une famille corse. 1 200 ans de solitude », edizione Plon, chì leia a storia di a so famiglia à quella di l'isula. In a categuria di i rumanzi, u premiu hè statu attribuitu à l’unanimità à Francesca Weber-Zucconi pè « Les noces de granite », (Edizione Colonna d’Istria). Ghjè una storia d'amore cummuvente chì s’ispira d’una storia vera à u XIXu seculu in Alta Rocca. In lingua corsa, a ghjuria hà premiatu « L’Eiu stesu » di Philippa Santoni, (edizione Albiana).

Dui altri libri sò stati rimarcati pè e so qualità documentarie è litterarie. « Guarda fratellu !», (Albiana), un affrescu storicu nant'à l'anni 70 rializatu da un cullettivu è illustratu cù numerosi affissi chì contanu u Riacquistu. Infine, Anghjulu Canarelli hè distintu pè u libru « L’irissi » (edizione Albiana), chì conta stalvatoghji trà pitturescu è puesia. Dumenica u 5 d'aostu, una ceremunia offficiale di rimessa di i premii hè prevista in Auddè.