Buccate, scappate, detti & parolle scarse
2018-07-18 10:09:27

Stu novu libru d'Antonu Marielli, à l'edizione Colonna, hè u libru indispensevule pè leghje, scrive è parlà u corsu cù a cunniscenza di e spressione chì ne facenu una lingua ricca, originale è intusiasmante. L'autore hà scrittu chì ghjè un travagliu di ricerca di parolle è di spressione principiatu più di 30 anni fà. Hà scontru parechje persone in i paesi è cità corse chì li anu amparatu parolle nove. Cusì, si scopre più di 7500 parolle o spressione francese è più di 20 000 in lingua corsa. Oramai, u prugettu d'Antonu Marielli hè di creà un dizziunariu analogicu, tematicu (4 tomi) ch'ellu hà digià principiatu.