E figure di a Corsica
2018-07-31 10:19:18

 
Da u primu d’aostu di u 2018 à u 30 di marzu di u 2019, sta nova spusizione à u museu di Corsica in Corti, descrive i simbuli, emblemi è l’allegurie di a Corsica, da l’Antichità sin’à a nostra epuca. Si tratta di una riprisentazione à longu andà di e brame culturale, emblematiche è identitarie di a Corsica. A spusizione parla di tutti i nomi dati à l’isula, e so riprisentazione cartugrafiche longu i seculi (un’isula avendu una forma chì si ricunnosce subitu), e so allegurie (a « guerriera »), i so simbuli (u cursinu, a muvra) e so armurature (a testa mora). U libru nant'à sta spusizione pò esse cummandatu à st'indirizzu: https://www.albiana.fr/actualite-societe/931-e-figure-di-a-corsica.html