Canti sacri di u Ghjunsani
2018-09-04 14:38:47

Quattru associ, Musa Ghjunsaninca, a cunfraterna San Parteu, Ghjuventù Ghjunsaninca è "Ghjunsani évasion et découverte" anu esciutu dischetti è chjave USB "Canti sacri di u Ghjunsani" cù un librettu spiegativu. Anu sceltu una centinaia di canti : Agnus Dei, Kyrie, Sanctus, Canti di Natale, di Pasqua, altri canti in leia cù a morte. A brama hè di fà sente torna i canti di l'antenati, e messe di paesi. Pè furtuna, l'anziani si n'arricordanu. A trasmissione hè assicurata in Olmi Cappella da Ceccu Saladini, in Pioghjula da Sixtus Capponi è Mathieu Colombani. L'arrigistramenti si facenu dinù cù altri canterini è ancu giovani. 

Ritrattu : Corse-Matin