Hè cum'un sognu, primu dischettu di Petru Bracci
2018-10-03 09:55:02

Petru Bracci hè di Lucciana è ghjè un giovanu canterinu passiunatu dapoi l'età di 14 anni. Principia l'animazione in u 2008 cù u gruppu "L'eternu". In u 2009, decide di piglià corsi di polifunie ind'è un canterinu di "L'Arcusgi" è dapoi tandu hè diventatu membru di stu gruppu.

Dopu qualchì animazione è cuncerti cù l'Arcusgi in Corsica è in altrò, Petru principia una carriera solu cù un primu dischettu "Hè cum'un sognu". In sta nova opera, ùn ci hè tema particulare, avemu sfarente sunurità, tituli ch'ellu hà scrittu, altri tituli chì amichi anu scrittu per ellu.