Hubert Tempête : 60 anni di carriera
2018-11-20 16:27:24

60 anni di carriera pè Hubert Tempête, l’umuristu, u taruccone, u comicu, u canterinu, u cumpunidore ! L'anniversariu serà festighjatu durante duie serate à u Spaziu Carlu Rocchi in Biguglia. A prima serata, prevista à principiu u 30 di nuvembre essendu digià cumpleta, Daniel Vincensini ne hà prugrammatu un'altra a vigilia, ghjovi u 29. 

Quale ùn averà mai scaccanatu sentendu e so burle nustrale è e so parudie di canzone ? Nant'à a scena, Hubert Tempête serà accumpagnatu frà altru di I Mantini, I Messageri, Orizonte, Maì Pesce, Feli, Doria Ousset, Henri Olmeta… Via, duie belle serate pocu triste.