Pour une reconnaissance politique des langues, le corse et la coofficialité
2018-12-07 10:22:54

A cuufficialità è a lingua corsa sò forse i sugetti chì anu fattu u più parlà in Corsica sti pochi anni. Difatti, u tema hè primurosu : u corsu, puntellu di l'identità cullettiva di u populu corsu, hè una lingua minurata, duminata è minacciata. In stu dibattitu nant'à a cuufficialità è a lingua, s'hè intesu ogni tantu argumenti sbagliati. 

Dunque, in stu libru, Rumanu Colonna presenta 50 argumenti à prò di un statutu di cuufficialità nurmale, lecitu è soprattuttu pussibule. L'autore hè maestru di cunferenze à l’università di Corsica, membru di l’UMR CNRS 6240 LISA. E so ricerche si facenu nant'à u funziunamentu suciale di u corsu, a minurazione è a duminazione linguistica, e pulitiche linguistiche... Hà scrittu è publicatu parechji libri è articuli specializati nant'à sti temi.