Pirru è Ricuccata : l'oru di a Balagna
2018-12-21 11:34:55

Pirru è Ricuccata, l’orsu è a tupinetta, ghjunghjenu in Balagna per ritruvà u Cornu Sacru presu da u Pinzachju. Quallà, scontreranu novi amichi è nemichi seguitendu l’oggettu arrubatu, nant’à a pista di l’oru di Balagna. Una storia da leghje è da stà à sente in lingua corsa, per i zitelli è i maiò ! A scuperta di u patrimoniu isulanu, sta volta quellu di Balagna, a pratica viva di a nostra lingua corsa in i duppiamenti è a scrittura, l'illustrazione, a musica muderna è ritmata, s’addunicenu in stu libru musicale avendu sfarenti gradi di lettura. 

Pruduttu in Corsica, cù attori corsi, Pirru & Ricuccata hè u figliolu di a mudernità è di a tradizione. Cù RCFM, Studio WMI, Bernard Ferrari, Doria Ousset, Paul Turchi-Duriani, Fabien Mariani, Antoine Ciosi, Frédéric Antonpietri, Jean-Claude Acquaviva, Anna Rocchi, Jean-Philippe Ricci, Francine Massiani è Anghjulu Mari! Nant'à https://www.move.corsica/fr/Pirru-Ricuccata2, e vostre contribuzione permetteranu di stampà u libru è u so dischettu.