Vucabulariu marinarescu bastiacciu, un libru di Roger Miniconi
2019-01-03 14:45:32

Roger Miniconi, oceanograffu, espertu in pesca mediterrania è duttore in linguistica, hà scrittu u libru “Vucabulariu marinarescu bastiacciu”, Stamperia Sammarcelli. Una nova opera nant’à u parlà di i piscadori, puntellu di u patrimoniu marittimu minacciatu di sparizione.

In Bastia, u vucabulariu marinarescu è e spressione eranu ancu cunnisciuti da a ghjente di a cità. Omu ci trova parechje influenze, in particulare toscane. Parechji piscadori napulitani, campaniani è genuvesi s'eranu stallati è anu arricchitu u lessicu bastiacciu, cum'è quellu di Centuri arricchitu da influenze catalane.