Etudes corses et méditerranéennes n°80-81 : omagiu à Francis Pomponi
2019-01-18 14:10:43

Sta rivista esiste dapoi u 1973 cù i so articuli universitarii, tese nant'à a storia, u patrimoniu, a linguistica. Hè stata creata da Georges Ravis-Giordani, Fernand Ettori è Francis Pomponi. U novu numeru d'Etudes Corses et méditerranéennes 80-81 hè un umagiu à st'ultimu cù i so travaglii, cullocchii forse i menu cunnisciuti. Francis Pomponi era un storicu di u Mediterraniu, chì s'hè sempre primuratu di a storia di a Corsica in u quadru paragunativu. Hà scrittu dinù nant'à u regiunalismu, u cursismu. Hè statu unu di l'artigiani di l'avvicinamentu cù a Sardegna (università di Cagliari, di Sassari), fendu travaglii in cumunu.