Rabbia, u novu dischettu di Doria Ousset
2019-01-31 09:34:36

Cù u so novu dischettu « Rabbia », Doria Ousset si rivolta è dinunzia. A so voce hè quella di u cumbattu è di l'armunia trà a tradizione culturale di a canterina è a so passione di u rock. Locu di scontru trà i canti immemuriali di a Corsica è e corde d’acciaiu chì vibranu sott'à e so dite, Doria manda missili musicali cù sempre u groove. Una musica intima è viulente, una dolce rivuluzione. Cum'è una rivindicazione, un cazzottu, una rialità. In a so voce, un equilibru perfettu trà suspiri è rivolte. Doria ci surprende sempre.