Ciculu : u tempu è u raportu cù u tempu à u museu di a Corsica
2019-03-14 15:25:32

Mercuri u 27 di marzu à 3 ore, cunferenza di Jacqueline Acquaviva-Bosseur à u museu di a Corsica in Corti nant'à u libru di Petru Casanova "U fà è l'infà di a luna", à l'edizione ADECEC. In stu libru, ci dà esempii cuncreti è vissuti di a propia capiscitura di u tempu di u so rughjone, u venachese. Hè a so cuntribuzione per mustrà quantu si cuncipisce è si misura u Tempu à partesi da u locu.

U contu di Salomone, l'acqua di e 13 lune, A data di e tumbere, ricacciati da "U fà è l'infà di a luna", sò trè esempii di l'intrecciu trà spaziu è tempu, letti è cummentati da Jacqueline Acquaviva-Bosseur.