Omagiu di l'università di Corsica à Edmond Simeoni luni u 25 di marzu
2019-03-15 11:36:28

Trè mesi fà, si n'andava u Duttore Edimondu Simeoni. Amicu fidu è ardente difensore di l’Università di Corsica, u stabilimentu hà previstu un omagiu luni u 25 di marzu à 5 ore è mezu à u Spaziu Universitariu Natale Luciani, Campu universitariu Mariani, in Corti. Ghjacumu Thiers parlerà di u tempu di a rivindicazione ind'è l'università di l'anni 70. Andria Fazi tratterà di a leia pulitica cù l’Università. In quant'à Ghjacumina Bosseur-Acquaviva, ci rammenterà chì Edimondu Simeoni fubbe dinù studiente à l’Università è presenterà i travaglii ch'ellu avia cunduttu in u 1985. Canti è letture di testi accumpagneranu st'intervenzione.