Les Mémoires d'Edmond Simeoni, Anne Chabanon
2019-04-05 15:18:57

Edmond Simeoni si n'hè andatu u 14 di dicembre di u 2018. Medicu, umanistu, difensore di a demucrazia è di i diritti di i populi, u babbu di u naziunalismu corsu cuntempuraneu hè firmatu, pè parechji, l'omu d’Aleria. Quellu chì, d'aostu 1975, avia occupatu una cantina viticula in a piaghja orientale è chì hè statu u primu à sfidà u Statu francese. 

Durante u vaghjime di u 2018, « u duttore » avia accettatu di cuntà i so ricordi à Anne Chabanon, un percorsu strasurdinariu in u libru di e so Memorie. Una vita primurosa di ghjustizia, di lotta pè l'ambiente, di ghjustizia suciale, di rispettu di l'altru. Parla di a so vita famigliale è intervene dinù a so moglia Lucie. Stu libru ùn hè micca una biografia ma una vera epupea cum'è in a mitolugia. Ghjera un omu innamuratu di a vita. 

Anne Chabanon hà da dedicà pè a prima volta stu libru mercuri u 10 d'aprile, à 5 ore, à a libreria La Marge d'Aiacciu, cù Lucie Simeoni.