San Francescu di Geronimo onoratu
2019-05-09 15:26:57

Pè a prima volta in Corsica,  hè statu celebratu San Francescu di Geronimo, autore è cumpunidore di u Dio ti salvi Maria, diventatu u Dio ti salvi Regina. Una messa hè stata detta sabbatu l’11 di maghju in chjesa Notre Dame de Lourdes in Bastia. San Francescu di Geronimo hè natu u 17 di dicembre di u 1642 in Grottaglie (Italia). Hè unuratu ogni 11 di maghju, ghjornu di a so morte in u so paese. Cù u so associu "San Francescu di Geronimo", Pierre Bartoli brama dinù di rializà a prima statua di San Francescu pè a Corsica, riesce l’accolta publica è sulenne di a statua, urganizà è pianificà dopu « A Girandulata di San Francescu di Geronimo » in tutte e cumune è parochje di Corsica. U scopu hè di presentà u Santu, a so persunalità, a so opera, spone u prugettu di l’associu à a pupulazione isulana pè arricchillu è, ancu megliu, pè arradicallu in l’Azzione à prò di a chjesa in Corsica.