Histoire (s) en mai
2019-05-11 10:14:24

Da u 14 à u 28 di maghju, serà l'edizione 2019 di « Histoire(s) en Mai », u festivale di u libru di storia è di finzione storica in Fulelli, Bastia è Biguglia. U tema hè  « L’imperu contr'attacca ». Si tratta di a perioda storica di u Secondu Imperu pocu cunnisciuta è chì serà trattata cù parechji invitati: Marie Ferranti, Bertrand Puard, Jean-Guy Talamoni, Marie-Paule Dolovici, Jacques Fusina, Alain Piazzola, Raphaël Lahlou, Michel Casta, Philippe Peretti, Michèle Corrotti, Sampiero Sanguinetti. Da a piazza à u mercà, u publicu puderà parte dinù nant'à i passi di Salvatore Viale, scrittore, puetu è magistratu bastiacciu d'origine taliana, ma dinù assiste è participà à numerose reunione è cunferenze. A giuventù ùn serà sminticata cù Bertrand Puard chì li presenterà numerosi libri parlendu di famosi scrittori: Emile Zola, Victor Hugo, Alexandre Dumas. 

Prugramma nant'à arte-mare.corsica è a pagina facebook di u festivale Arte Mare.