Si n'hè andata Maryse Nicolai
2019-09-14 09:35:42

Maryse Nicolai, voce feminile di a canzona corsa, si n’hè andata à l’altru mondu à l’età di 85 anni. Hà principiatu a so carriera à i risturanti "U Pescadore" è "A Stalla" di Calvi. Ci eranu dinù e serate di prima trinca induv'ella ricevia i so amichi artisti Antone Ciosi, i fratelli Vincenti, l'umuristu Michel Guidoni è tant'altri. A voce di Maryse era assai linda quand'ella cantava "S'o era un acellucciu", "E trè surelle", "Voceru", "Romantica", "C'est mon pays", "Amore", "Isula Rossa", "La complainte corse", "U pastore", "Ritrattu", "A tribbiera", "La barcarolle bastiaise"... Ghjera una vera imbasciatrice di a canzona corsa. 

Ritrattu : Corse net infos