Histoire de la Corse volume 2, des révolutions à nos jours
2019-10-24 15:46:11

Stu secondu vulume, à l'edizione Alain Piazzola, hè statu scrittu da i listessi universitarii, scrittori, giurnalisti, insignanti, direttori di museu è altri stabilimenti culturali, diretti da Antoine-Marie Graziani. U rispettu di a cronolugia permette à u lettore di capì cum'elli si sò passati i fatti. A Storia di Corsica presentata quì vole esse nuvatrice à parechji livelli. Capunanzu, cù tutte e qualità di l'autori: una storia chì hè soprattuttu un'aventura cullettiva. L'opera mostra a situazione di a cunniscenza nant'à ogetti è periode cunnisciuti u più spessu da u publicu, ma chì meritavanu novi avvicinamenti storichi. A tempu, permette di rinnuvà parechji temi di ricerca.