San Martinu in Patrimoniu l'11 di nuvembre
2019-10-26 15:51:05

Ceremunia religiosa, prucessiò, tastatura di u vinu novu: cum'è tutti l'anni, San Martinu, Santu Patrone di i vignaghjoli, serà celebratu in Patrimoniu ogni 11 di nuvembre. Una festa religiosa è una celebrazione pupulare cù millaie di persone. Dapoi parechji anni, sta festa hè urganizata in cullaburazione cù i vignaghjoli di Patrimoniu, a merria, l'associu A Cappellà, a Cunfraterna di San Martinu, è hè à u prugramma di u Festivale di l'autunnu è di a ruralità. Messa à 11 ore, prucessiò è ceremunia à u monumentu à i Morti. Dopu, secondu l'usu, benedizzione di u vinu novu è tastatura.

Ritratti : cunfraterna San Martinu di Patrimoniu